عدد المساهمات : 26 تاريخ التسجيل : 03/06/2010 العمر : 29 الموقع : موش فاكره
موضوع: الشاب خالد السبت يونيو 12, 2010 5:00 pm
خالد محمد سعيد شاب مصري عنده 28 سنه من منطقة كليوباترا بالاسكندريه و صاحب مكتب استيراد و تصدير كان قاعد في نت كافيه في وقت متاخر بالليل ...و دخل بتوع المباحث بيفتشوا كل اللي قاعدين باستخدام قانون الطوارئ..
خالد اعترض و قال احنا بنتفتش ليه
كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات
كل واحد فينا ممكن يكون خالد
خالد ماكانش ليه علاقه بالسياسه من قريب او بعيد زى معظم المواطنين المصريين ولا عمره انضم لاى تيار او حزب سياسى لكن ده ما منعهومش من تعذيبه وقتله بلطجة الداخليه واحده بإستخدام قانون الطوارىء مش بتفرق بين سياسى و مواطن عادى
يا ترى هانسكت ؟
لذلك ندعو كل مواطن مصرى يحترم كرامته و آدميته الى وقفة احتجاجية أمام وزارة الداخلية بلاظوغلى يوم الأحد الخامسة مساء احتجاجا على جريمة التعذيب و القتل الوحشية التى تعرض لها الشاب خالد محمد سعيد على يد الشرطة بدون ذنب ... اذا لم يحركنا الدم فمتى نتحرك ؟
أسماء من قاموا بالإعتداء على خالد وقتله
المخبرين : عوض و محمود الفلاح
و ضابط المباحث : أحمد عثمان
من قسم سيدي جابر بالأسكندرية
كلنا خالد سعيد
لا لبلطجه الشرطه
سندريلا
عدد المساهمات : 14 تاريخ التسجيل : 01/06/2010
موضوع: رد: الشاب خالد الإثنين يونيو 14, 2010 4:09 pm
إيه الوحشية اللى بقت فى البلد دى مصر عمرها ماهتتغير طول ما فى فوضى و همجية بالشكل ده بس المشكلة مش فى إن يبقى فيه فوضى لأ المشكلة لإن يبقى فيه فوضى و سكوت على الحق و خوف لكن لو كلنا بقينا إيد واحدة عمر ما هيبقى فيه ظابط و لا مخبر يقدر بيص فى وشنا بس لكن للأسف كلها أحلام
mr.turkey
عدد المساهمات : 89 تاريخ التسجيل : 08/05/2010 العمر : 30
موضوع: رد: الشاب خالد الإثنين يونيو 14, 2010 10:30 pm
اعوذ بالله البلد راحت في داهية كل ده عشان طالب بحقه انه مواطن مش من حق اي حد يفتشه طول ما الاشكال دي في البلد عمرها ما هتنضف دول ما الناس اللي مسكنها همهم علي نفسهم عمرها ما هتنضف طول ما كل واحد ماسك منصب ولو صغير بيفتري عاللي اقل منه عمرها ما هتنضف يعني لو خالد ده مثلا مدير شركة حتي لو مش حكومية لو موظف كبير في الحكومة كان رئيس المباحث نفسه قدر يبصله بصة مش تمام ولا لو كان يعرف حد كبير في البلد وقال علي اسمه كان قدروا يعملوا حاجة يللا ربنا يتولاه برحمته ويصبر ابوه وامه ومشكورة يا نور انك بتفدينا باللي بيحصل